Цэргүүд Замын-Үүдэд 840 чингэлэг буюу 25,253 тонн ачааг машинаас вагонд шилжүүлэн ачжээ

Эх сурвалж: ЗХЖШ

Зэвсэгт хүчний 336 дугаар ангийн 200 хүний бүрэлдэхүүн хоёр ээлжээр Замын-Үүд боомтод 67 хоног ажиллажээ.

Тодруулбал, УБТЗ-ын харьяа Замын-Үүд боомтын 1, 3 дугаар талбайд нийт 840 чингэлэг буюу 25,253 тонн
ачааг автомашинаас вагонд шилжүүлэн ачиж, Монгол Улсын зах зээлд үүсээд байсан түүхий эд,
бараа материалын хомсдол, үнийн өсөлтийг буруулахад дэмжлэг үзүүлэн хамтран ажилласан байна.

Монгол Улсын Засгийн газар, Улсын Онцгой комиссын шийдвэрийн хүрээнд ЗХЖШ-ын даргын тушаалаар Улаанбаатар төмөр зам, Зэвсэгт хүчний 336 дугаар ангийн захирагчтай хамтын ажиллагааны гэрээний хүрээнд энэхүү ажил хийгдсэн аж.

Мөн тус ангийн миномётын батарейг Улсын баатар Д.Данзанваанчигийн нэрэмжит болгохтой холбогдуулан нэрэмжит буланг шинээр хийх ажлыг ахмад В.Цогбадрах хоёр  сарын хугацаанд хийж дуусгасан тухай ЗХЖШ-аас дэслэгч Ч.Бодьгэрэл мэдээллээ.

Эх сурвалж: ikon.mn

Биднийг дэмжээрэй

Бидэнтэй холбогдох

Холбоо барих

Хаяг: Монгол, Улаанбаатар, Хан-Уул дүүрэг, 15-р хороо, Зайсангийн гудамж, Гэгээнтэн цогцолбор-Фидэс цамхаг 1201 тоот
Утас: 77117373
Факс: 70117303
Имайл: info@rnw.mn
Вэб сайт: www.rnw.mn

© 2024. Ложистик компани.Вэб хөгжүүлэгч Том-Амжилт ХХК